Mergullando en linguas

Tema 4: Os niveis de referencia de aprendizaxe de linguas e o desenvolvemento de competencias Ola a todas e todos! Nesta nova entrada falarei das competencias específicas, transversais e complementarias no Marco Común Europeo de Referencia (MCER) e dentro do sistema educativo español (LOMCE). O MCER presenta un enfoque orientado á acción e establece o seguinte: “Con el fin de realizar las tareas y las actividades que se requieren para abordar las situaciones comunicativas (…), los usuarios y los alumnos utilizan varias competencias desarrolladas en el curso de su experiencia previa”. Polo tanto, as competencias que adquirimos como axentes sociais sonnos de grande axuda na realización actividades comunicativas. Podemos distinguir entre competencias xerais, que non gardan unha relación directa coa lingua, pero que poden servir para accións de todo tipo, e competencias comunicativas da lingua, as cales nos permiten actuar empregando medios lingüísticos. Na seguinte imaxe que creei te...

Boas! Nesta entrada vouvos deixar a presentación que fixen sobre os métodos de ensinanza-aprendizaxe de linguas, centrada sobre todo nos actuais, espero que vos guste! Un saúdo!

Tema 6: Programacións didácticas vixentes Ola de novo! Nesta nova entrada vou comentar as actividades que realizamos na aula que gardan relación co tema 6: as programacións didácticas vixentes, o cal tratei xusto na entrada anterior. As actividades son tres en total e puxéronse en práctica na seguinte orde: actividade piramidal, análise dunha programación didáctica coa elaboración dunha presentación e, por último, a análise e crítica dunha programación dunha EOI empregando screencast. A actividade piramidal, xa realizada e comentada na entrada de dossier do tema 5, consiste nun debate entre o alumnado ao que se lle vai aumentando o número de participantes gradualmente. Primeiro debatemos por parellas sobre cales eran na nosa opinión as partes máis relevantes dunha programación didáctica. O meu compañeiro Juan e eu coincidimos en que as competencias, a metodoloxía, as actividades e a avaliación eran os compoñentes con maior importancia. Tras o debate coa parella do lado, a...

Tema 6: As programacións didácticas vixentes Ola, lectores e lectoras! Nesta nova entrada vou falar sobre as programacións didácticas vixentes na ESO e no Bacharelato, realizadas baixo a lei educativa actual (LOMCE). Para comezar, aclararei que unha programación didáctica é un instrumento de planificación curricular que desenvolve o proceso de ensino e aprendizaxe de xeito coordinado entre o profesorado que forma un departamento. Toda programación está baseada en catro tipos de fontes: sociolóxica,   psicolóxica, epistemolóxica e pedagóxica. A fonte sociolóxica está relacionada coas características do entorno onde se desenvolve o ensino, a psicolóxica co coñecemento dos trazos que ten o alumnado, a epistemolóxica analiza o contido e a secuencia da aprendizaxe e, por último, a pedagóxica que permite a selección de coñecementos e o seu traballo co alumnado. Voume centrar sobre todo na súa estrutura, ampliando o tema con contidos xa adquiridos previamente na materia sobr...

Tema 2: O Marco Común Europeo de Referencia para as linguas. Boas a todas e todos! Na entrada de hoxe vouvos falar sobre o Marco Común Europeo de Referencia  ( MCER ) para as linguas. Para aqueles/as que non lles soe, o MCER ten como obxectivo definir os niveis de dominio dunha lingua para así comprobar a evolución do alumnado durante as distintas fases de aprendizaxe, describindo os obxectivos, os contidos e a metodoloxía dos programas explicitamente. A idea principal é conseguir unha unidade e mobilidade maior entre os membros da Unión Europea, neste caso mediante a aprendizaxe de linguas, para o que se establecen unha serie de medidas como: apoiar os esforzos realizados polo profesorado e o alumnado co fin de aplicar os factores de construción de sistemas de aprendizaxe de linguas tendo en conta a súa propia situación ou fomentar o desenvolvemento de programas que faciliten a introdución dos métodos e materiais máis axeitados para que o alumnado adquira a competen...

Tema 1: O ensino de linguas no presente modelo educativo, nacional e autonómico. Benvidas/os a esta nova entrada! Nesta primeira unidade centrareime nos aspectos que máis me chamaron a atención e que considero máis relevantes para o meu futuro como docente dunha lingua estranxeira.   En primeiro lugar, o máis destacable é a cantidade de cambios no sistema educativo que aconteceron ao longo da historia, motivados moitas veces tan só por razóns políticas. O motivo polo que decidín que este sería o primeiro aspecto a tratar nesta entrada é porque continua sendo un problema actual que ten repercusións nun ámbito tan importante como é a educación, polo que toda a poboación se ve afectada, tanto o colectivo de profesorado como o de alumnado. Daquela cómpre facer referencia ás múltiples modificacións que pouco ou nada teñen que ver coa mellora da calidade do sistema, por exemplo, a supresión das materias de inglés, alemán e italiano a través do plan de transición de 1932,...

Tema 5: Dossier Ola lectoras e lectores! Nesta nova entrada vou comentar as actividades realizadas durante a aula que se basean na temática desta unidade: o deseño curricular base, tratarei tanto os aspectos positivos como os negativos de cada unha delas de xeito detallado. Espero que vos animades a realizar algunha! Actividade debate piramidal Nesta actividade comezamos debatendo por parellas sobre a definición de currículo, os elementos que o forman e cales eran as súas competencias básicas. Unha vez que a parella chegaba a unha conclusión, esta debía comezar a debater sobre o mesmo coa parella do lado e pórse de acordo coa definición e o resto de elementos para posteriormente intercambiar as ideas co grupo de catro persoas máis achegado. No momento no que se chega a un acordo entre as oito persoas, exponse e debátese co outro grupo ata acadar unha conclusión final entre toda a clase. O número de persoas para os grupos dependerá da cantidade total de alumnado, ...